No items found.

“Tono’ha Kana!”

Enric Carl Callangan

Mixed Media
3 ft x3 ft
Dili man unta lisud pero makaguol kun buot hunahunaon. Sa kadaghanan, wala nato makita kung unsa ang atong tumong aning kalibutana. Wala man untay gebutang na papilit pero nganong dili man ‘ta makahawa. Di nimu madamha na gepugngan lamang kita sa mga butang nga ge tugon nga mao kunoy dapat buhaton. Ge hulma atong pang hunahuna sa usa ka hulmahan nga pwerte’ng ugaha nga bisag usa ka tanom dili maka bunga. Daghan ang napalongan sa ilang mga suga, daghan napul-an sa ilang mga duwa, kay ingnan sila nga kani usa lamang ka butang para sa pambata. Kung makit-an ka nila nga naglahi ikaw mahimo’ng bati. Pugson ka nila hangtod ikaw makonsensya og mabuta hangtod makapangutana ka kung sakto pa ba. Daghan kaayo’g natouk hangtod dili na makalihok. Wala man unta’y papilit pero nganung ila man gayud ka’ng ipiit sa sitwasyon nga dili nimu gustong buhaton. Pero og kung pananglitan mo abot man gani kining tanan sa imong atubangan. Dapat nimu ablihan ang takob sa botilya, uyugon ang sulod sa baol ug paminawon ang tingog sa kwerdas kung asa natono imuhang linya, ihaom pagsulod ang nag kayagaw na palaisipan, sakaon ang hagdanan og ayaw kahadlok matagak sa ilusyon. Ayaw’g kasaag sa kawanangan ky ikaw mismo ang naka tag-iya sa imong desisyon. Paliboti imohang harden ug nagalain-laing klase sa buwak, mamunga kani og tinoud nga walay sagol na bakak. Ayaw’g hunong hantod mogawas ang natural na nawong sulod sa maskara na kada adlaw nilang nakita, og diha nimu makit-an kung nganu naa kay ge suklan para dili ka mapalonggan sa kalayo nga nagatuyok sa imong gamay na kaban.

Related Artworks